vendredi 11 juillet 2008

تايقولو و تانقولو




واحد السلام عليكم


إوا ياسيادي, كاينين شي ناس تايقولو, و من لي تايقولو حنا تانقولو ليهم,و هوما تايزيدو يقولو و أنا تانزيد نقول ليهم...وفي الأخير هاد شي
الي تقال


"إني أتنفس تحت الماء,إني أغرق"
!صافي يامصخوط الوالدين, وليتي حوتة...ياك عيت مانقوليك عطي التساع للمواد الكيمائية والمواد المشعة


"أنا ديني دين الله, هي عليا حجاب الله,أنا عيني ميزاني"
.سي لفقيه, عفاك الا ماعبر ليا معاك واحد جوج كيلو ديال دقيق بدوك عويناتك الزوينات

"يسمعني حين يراقصني,كلمات ليست كالكلمات"
.عيت ما نقولها ليك, فمو خاسر و ما تيعرف غير السبان...إوا نتي اللي بغيتيه,تحملي مسؤليتك

"أشهد أن لا امرأة أتقنت اللعبة إلا أنت"
.إوا شفتي,راه ديما كنت تانقول ليك العيالات مكلخات, والدليل غير واحدة منهم اللي تعلمت اللعبة

"حرمت أحبك,أحبك ماتحبينيش"
!أجي نتيا! اشنو تايسحاب ليك راسك!,راه المشرع الوحيد هو الله, هو بحدو الي تيحلل و تيحرم...إوا جمعي شويا فمك

"فين غادي بيا خويا فين غادي بيا"
!واتا ركب وهنينا! لقيتي الي يركبك فابور وتتشرط.و ماتنساش تدير الصمطه, راه إلا جا لبروسي, نتا الي تخلصو...على بشر كي داير

"أنا الي عذبني حبيبي"
.مسكين حبيبك سادي! والله إلا بقيتي فيا

"ياغايب لي ماتسئل ع حبابك الي يحبونك"
.لا ,والله إلا كنت ديما تانسول...لكن هاد ليامات تجلا ليا لبورتابل ديالي وداك شي علاش

"حبيبي يا نور العين يا ساكن خيالي"
!أودي سير بعد مني, أنا راه ساكن ف دارنا...نتا باين فيك تاتقلب على من تزرب و يخلص ليك لكرا

"أنا مريض,أنا مريض وحتى مرض مابي"

.راك مريض بالوهم يا خويا,إوا سير شوف ليك شي بسي.وحاجة خرا,تكايس شويا على موليير...والله يجيب الشفا

"أحن إلى خبزي أمي وقهوة أمي و لمسة أمي"
باينا عندك المرا عيانة بزاف!ما تعرف لا تخبز, لا تقهوج ولا حتى تلمس...والله يكون في العون.راه هادو هوما عيالات اخر زمان .ماعندك غير تصبر

"أنا ماني فياش, أش عليا مني, نقلق من رزقي لاش"
!!!??وأنا مالي

"وا لالاة منانة,أجي تكوني بنتي... تان تان تان تان...ولباقي نسيتو ماحفضتوو"
واتا سير تزوج ودير ليك وليدات,وخلي عليك بنات الناس فالتيقار...حنا نولدوهم ونكبروهم ونوكلوهم ونخرقوهوم وتجيو نتوما "فالتالي" تاخدوهم

"سولت عليع العود والناي و الياسمين"
.إوا سمح ليا بزاف, راه غير كنت مسافر...لفلوس دياولك غا نرجعهوم ليك فراس شهر, ماعندك من أش تخاف

"عبد القادر يا بوعلام ضاق الحال عليا"

شوف ,قلت ليك ألف مرة,إلا ضاق عليك الحال عطيه لخوك الصغير,راه هو غايجي قدو...وزايدون أسيدي,عيت ما نقل ليك راه ما سميتيش عبد القادر .لمرة الجاية, إلا باقي عيطتي ليا عبد القادر, والله تانجمعها معاك...إوا حنزز فيا

"عندي بابا,عندي ماما ,ديما معايا حتى فالنوم"
مساكن والديك...زعما ماتخليهومش يعيشو حياتهم...أنا بغيت غير نعرف كي دارو حتى مازال ما تطلقوا

"مدرستي الحلوة,مدرستي الجنة فيها تربينا"
!!!??الاخ مغريبي

"أنا الفتى النظيف مهذب لطيف,أقوم في الصباح أسعى إلى الفلاح"
!?مشرفين!!...حتى نتا كداب بحالي

"الزين الي عطاك الله متلو ما نلقاه,ديما في بالي نهار وليالي"

!راه شحال هادي باش فات اليوم الاول من شهرأبريل...ونقصي شويا من السخون ,راه الطاقة ولات غالية



13 commentaires:

мσнη∂ιš a dit…

سير الله يعطيك عا الدل هادا وجهك و لا كفاك

مسخوط الواليدين

мσнη∂ιš a dit…

أويلي وحدي غادي ندب حناكي

عاين نمشي نشوف ديك المصيبة الظويلة اللي كتبتي را باقي ماقريتها

أويلي أويلي أويلي

мσнη∂ιš a dit…

سير الله يعطيك ما يكرفسك
سير الله يعطيك الصهد و قلت الكليماتيزورات

pofpof a dit…

@ mohndis


دخلت عليك بالله ,واش كاين شي ذل قد هاد التعليقات دياولك...شوف يا راس الطاجين ,راك ف مقر الامبراطورية...إوا شويا د الإحتمار ليها, او زايدون اسيدي لمرة جاية توضا ,و قدم رجلك ليمنية قبل ماتدخل :) ههههههه

Anima a dit…

زوينة هاديك الدلاحة اللي داير في البروفيل


هاداك هو التاج ديال الإمبراطورية؟

المهم باراكا من توصال الهضرة انت مالك يقولو اللي بغاو ديها في شغالك

:)

мσнη∂ιš a dit…

و الله ماعندك وجه
وادير شوية د النفس و كتب شي اعتدار للقراء ديالك و من الأفضل يكون حسن من داك ديال سرطان الثدي
سير يا المشوه
يخ

une marocaine a dit…

Je ne sais plus quoi te dire !!!
A chaque fois je te dis "sire Allah ye3etek chi 3e9ele" mais je constate qu'à chaque fois les choses empirent !!!

ca doit être le stress post-exams ou l'effet boomerang c'est ça ?!

PS : tu m'as rappelé a chanson "ana dini dine allah ana 3eliya 7ejabe Allah ana 3ini mizani we netina l'7biba deyali weya lalla" Je la fredonne mt :))

شامة a dit…

أسلوب متميز
وقراءة تستحق التمعن

pofpof a dit…

@ anima
chokran ya alla 3la kolchi!!!
iwa ila 3jbek taj al imbratouriyya chi nhar n9smou m3ak :)

@mohndis

nnefs rah f satation! o zaydoun ya ras tteng 3oud dir lwasakh f chi blasa 9bel ma tkteb f had lblog lmo7tamar ;)

@ une marocaine
ntiyya bayna fik 7asdani bzzaaaaaaaf 3la lhbal diali, obghitini n9smou m3ak...iwa choufi ya lalla oullah man9smou m3ak olli bgha ytra tra ;)))))

@ chama

chokran ya lalla 3aa hadihi assibagha ,wa on konto ofaddiloh bi al azra9 ;)))))

мσнη∂ιš a dit…

الشايلاه آ مول الأسلوب الواعر
إوا كوميم الواحد يلقى بعدا باش يهز شوية ديال المعنويات

madiha a dit…

salut pofpof
khatir had chi li kateb , il m'a bp plu, c tres drole.

madiha a dit…

salut pofpof
khatir had chi li kateb , il m'a bp plu, c tres drole.

pofpof a dit…

@ mohndis

amine asidi ktert-lfhamat :)

@madiha

choukran akhti, nti b3da hzziti lina chwiyya f lma3nawiyyat , machi b7al dak rass TTeng :)